Suliffeqarfiit silaannarsuarmik kissatsitsisartunik mingutsitsinerat
2013-mi angerlarsimaffiit nukimmik atuinerannit silaannarsuarmik kissatsitsisartumik mingutsitsinerat ingutsitsinerup tamarmiusup 22 procenteraa. Suliffeqarfiit mingutsitsinerat mingutsitsinerup tamarmiusup 78 procenterivaat, takuuk titartagaq 3.1.
Titartagaq 3.1. Silaannarsuarmik kissatsitsisartunik suliffeqarfiit aamma angerlarsimaffiit mingutsitsinerat
Najoqqutaq: Naatsorsueqqissaartarfik
Nunalerineq, aalisarneq il.il. silaannarmik kissatsitsisartumik mingutserineq mingutserinerup tamarmiusup 24 procenteraa. Tassani mingutserineq aalisariutinit annerpaamik pisuuvoq.
2013-mi nukimmik imermillu pilersuineq mingutsitsinerup tamarmiusup 17 procentianik mingutsitsisimavoq. Nukimmik imermillu pilersuineq innaallagiamik avataaniillu kissamik pilersuinerulluni.
Assartuineq angallassinerlu mingutsitsinerup tamarmiusup 17 procentianik mingutsitsisimavoq. Suliffeqarfiit suliffeqarfinnik inunnillu kiffartuussisartut tamarmik tassani pineqarput. Tassunga ilaanngillat suliffeqarffiit inuit namminneq pigisaannik biilinik usisaatilinnik nginginnaasunillu assartuutillit.